Міндетті медициналық сақтандыру мәселелері талқыланды
«Облыс әкімі Оңдасын Оразалин «Әлеуметтік медициналық сақтандыру қоры» коммерциялық емес АҚ басқармасының төрағасы Болат Төкежановпен кездесті», — деп хабарлайды облыс әкімінің баспасөз қызметі.
Тараптар өңірдегі міндетті медициналық сақтандыру жүйесінің жұмысын, пандемия кезінде жедел шараларды қабылдау мен медициналық ұйымдарды қаржыландырудың, тұрғындарды дәрілік заттармен қамтамасыз етудің өзекті мәселелерін талқылады.
Сондай-ақ кездесу барысында «Әлеуметтік медициналық сақтандыру қоры» коммерциялық емес АҚ-ның Ақтөбедегі облыстық филиалының жаңа басшысы Алтай Оразмағамбетов таныстырылды.
Қазіргі таңда Ақтөбе облысытұрғындарының 87%-ы міндетті медициналық сақтандыру жүйесінің қатысушысы болып табылады. Қалған 13%-ын тіркеу жұмыстары жалғасуда.
