Жаңалықтар
Құрбан айтта мал базар жұмыс істемейді
Облыстың бас мемлекеттік санитарлық дәрігерінің 16 шілдедегі жаңа қаулысына сәйкес 20-22 шілдеде Ақтөбе қаласындағы мал базар қызметіне тыйым салынды.
Осылайша биылғы Құрбан айт мерекесінде облыста мал сою орындары жұмыс істемейді. Құрбан шалу рәсімдері онлайн форматта жүзеге асырылады.
Сондай-ақ Ақтөбе қаласында және аудандарда айт мерекесіне орай көпшілік ас беру, отбасылық іс-шаралар өткізуге де тыйым салынды.
Айта кету керек, Ақтөбе облысы 9 шілдеден бастап қызыл аймақтағы өңірлер қатарына кірді. Бүгінде еліміз бойынша 10 облыс және Нұр-Сұлтан, Алматы, Шымкент қалалары қызыл аймақта.
Д.ҚАЗИХАН.