Басты жаңалықтарСпорт
Облыс әкімі футбол алаңының дайындығын тексерді
Сейсенбі күні облыс әкімі Оңдасын Оразалин Ақтөбе қаласындағы спорттық жобалардың жүзеге асырылуы барысымен танысты.
Облыс әкімі алдымен «Триатлон паркін» қарап шықты. Жалпы алаңы 4,3 гектар болатын жаңа демалыс орны биылғы жылы ашылады деп жоспарлануда. Қазіргі таңда мұнда абаттандыру жұмыстары жүргізілуде.
Облыс әкімі жаяу жүргіншілер жолын салу жұмыстарын аяқтап, субұрқақтарды 1 маусымға дейін қосуды тапсырды.
Бұдан кейін Оңдасын Оразалин Сазды өзенінің арнасын қарап, №8 облыстық балалар-жасөспірімдер спорт мектебінің «Ақтөбе» футбол клубының резервтегі алаңының дайындығын, сондай-ақ Орталық стадионды тексерді.
Стадион басшылығы облыс әкіміне алаң ҚР Чемпионатына толықтай дайын екенін жеткізді.
Облыс әкімінің баспасөз қызметі.