Облыс әкімі Мемлекет Басшысына өңірдегі ахуал туралы баяндады
Бүгін ҚР Президенті Қасым-Жомарт Тоқаев Ақтөбе облысының әкімі Оңдасын Оразалинмен телефон арқылы сөйлесті, – деп хабарлайды облыс әкімінің баспасөз қызметі.
Әңгіме барысында өңір басшысы Ел Президентіне облыстың әлеуметтік-экономикалық және санитарлық-эпидемиологиялық жағдайы туралы баяндап берді. Індеттің бәсеңдегенін, жедел жәрдемге қоңырау шалушылардың азайғанын, емханаға науқастанып түсушілердің санынан аурудан айығып шығып жатқандардың саны үш есе басым түсуі себепті кереуеттер санының 40%-ға ғана пайдаланылып отырғанын айтып өтті. Сонымен қатар, дәрі-дәрмектер қоры толықтырылғаны жөнінде мәлімдеді. Телефон арқылы болған сұхбат соңында Мемлекет Басшысы облыс әкіміне өңірдегі ахуалды үнемі бақылауда ұстауды, берілген тапсырмалардың уақытылы орындалуын қадағалауды тапсырды.