Темірде Жансен Кереевке ескерткіш орнатылады
Темір ауданының орталығында көрнекті әскери қайраткер, генерал-лейтенант Жансен Кереевтің ескерткіші орнатылады.
Темір ауданының әкімі Жолдас Қалмағанбетовтің бастамасымен қолға алынған жоба генерал-лейтенант Жансен Кереевтің 90 жылдығына арналып отыр.
Ескерткіш биыл 7 мамыр — Отан қорғаушылар күнінде генерал-лейтенанттың есімі берілген көше бойында ашылады.
— 2000 жылдары Ақтөбе қаласындағы генерал-лейтенант атындағы көшеге оның мүсіні қойылған болатын. Авторы — Бақытжан Әбішев. Міне, сол мүсіннің негізінде биыл аудан орталығында біз де ескерткіш орнатқалы отырмыз. Ескерткіштің жобасы әзір. Елге адал қызмет еткен қайраткердің мүсінін орнатуға қолдау білдірген барлық жерлестерге ризашылығымды білдіремін, — дейді аудан әкімі.
Айта кету керек, ескерткіш тұғырының биіктігі — 3 метр, граниттен құйылған. Ал бюсті
мүсінші Бақытжан Әбішевтің туындысы негізінде жасалған.
Темір ауданының Бабатай ауылында дүниеге келген Жансен Кереев кешегі кеңестік заманда ірі әскери округте штаб бастығы қызметін атқарған.
Д.ҚАЗИХАН.