Нақты міндеттер белгіленді

Облыс әкімі Оңдасын Оразалин өзінің орынбасарлары Олжас Смағұловтың, Марат Тоқжановтың, Қайрат Бекеновтің, сондай-ақ олар жетекшілік ететін басқармалар басшыларының 2018 жылдың қорытындысы бойынша жұмыстары және алдағы кезеңге жоспарлары жөнінде есебін тыңдады.

Облыс басшысы өңірді әлеуметтік-экономикалық дамытудың түйінді көрсеткіштері бойынша ілгері қозғалыстар бар екенін атап көрсетті.

Сондай-ақ, Оңдасын Оразалин Мемлекет басшысы алға қойған барлық міндеттерді тиімді жүзеге асыру бойынша, оның ішінде экономиканы одан әрі көтеру, тұрғындардың әл-ауқатын жақсарту, бюджет қаржысын үнемдеу, әлеуметтік бағдарламалар мен инфрақұрылымдық жобаларды жүзеге асыруға қатысты бірқатар нақты тапсырмалар берді.