Әскери бөлімдегі шығарып салу

Ақтөбе гарнизонының №30238 әскери бөлімінде өткен жылдың көктемінде азаматтық борышын өтеуге шақырылған сарбаздарды салтанатты түрде үйлеріне шығарып салу рәсімі болды.

Жауынгерлік сапта шыңдалған 150-дей жас енді өз мамандықтары бойынша еңбек етуге кіріседі.
Жиынға командирлер, сарбаз аналары комитетінің өкілі қатысып, Жауынгерлік ту жанындағы қимас сәттің куәсі болды.
«Батыс» өңірлік қолбасшылығы әскерлері қолбасшысының орынбасары Елдос Бозғұлов жауынгерлерге олардың адал қызметі мен еңбегі үшін алғыс айтты. «Сіздер Отанымыздың, еліміздің қорғанысыздар. Еліміздің патриоттарын тәрбиелеген сіздердің ата-аналарыңызға алғысымызды айтамыз. Қарулы күштер қатарында сыннан өткен сіздер өмірде өз орындарыңызды табуға көмектеседі деп ойлаймын», — деді полковник Елдос Бозғұлов.
Сарбаз аналары комитетінің өкілі Олеся Старых өздерінің жауынгерлердің ата-анасымен тығыз байланысты болғанын, жастарға ерекше сенім артатынын білдірді.
Әскери борышын өтеген жауынгерлер, кіші сержанттар Дулат Шақу мен Сергей Гречков өздеріне тәлім-тәрбие берген командирлеріне алғыс айтты.
Жиында үздік жауынгерлер грамоталармен, ескерткіш сыйлықтармен, Алғыс хаттармен марапатталды.

Махамбет ЖАҚСЫЛЫҚОВ.