Ералы Тоғжанов облыстық фтизиопульмонологиялық орталыққа барды

Ақтөбе облысының әкімі Ералы Тоғжанов орталықтың материалдық-техникалық жабдықталуын, оның ішінде оттегі концентраторлық станция, хирургиялық және терапевтік корпустар, кеңес беру-диагностикалық және сәулелік диагностика бөлімшелер, компьютерлік томография, рентген кабинеттерін қарап шықты.

Мекеме жұмысымен танысу барысында медициналық мекеме ұжымымен кездесу өтті. Онда орталықтың бас дәрігері Ерлан Тәтімов атқарылып жатқан жұмыстар, туберкулез жұқтыру бойынша ағымдағы жағдай туралы баяндады. Оның сөзінше, ауру деңгейі жыл сайын төмендеп келеді. Жыл басынан бері төмендеу 4%-дан асқан.

Сондай-ақ, Ерлан Тәтімов орталық ғимаратының энергия тиімділігін арттыруға қатысты қабылданып жатқан шаралар туралы айтты. Атап айтқанда, отандық өндірістің модульдік қазандығын орнату жоспарлануда, бұл жылумен жабдықтау шығындарын 15 есеге азайтуға мүмкіндік береді. Туберкулезге қарсы қызмет медициналық мекемелерінің орталықтандырылған бухгалтериясын енгізу жоспарлануда, бұл бюджет қаражатын үнемдеп қана қоймай, сыбайлас жемқорлық тәуекелдерін де төмендетеді.

Облыс әкімі орталық қызметкерлеріне жауапты еңбектері үшін алғыс айтып, азаматтардың денсаулығын сақтау ісіне қосқан баға жетпес үлесін атап өтті. Өңір басшысы облыстың денсаулық сақтау саласын, оның ішінде фтизиопульмонологиялық орталықты дамытуға әлі де ерекше назар аударылатынына сендірді.

А.МӘЛІКҚЫЗЫ