2 мың кеңес берілді

Кез келген кәсіпкер немесе осы салаға қызығып жүрген азаматтардың арнаулы орталыққа жүгініп, білікті заңгерден кеңес алуына, салық есептілігін тапсырып, бизнес-жоспар жазуда көмек алуына болады. Бұл — ақысыз қызмет.

Облыстық кәсіпкерлер палатасы жанынан құрылған кәсіпкерлерді қолдау орталығында 3 кеңесші менеджер жұмыс істейді: заңгер, бухгалтер, маркетолог.

Айталық, Ақтөбе қаласында қызметін жүзеге асыратын кәсіпкерлер бухгалтерлік және салық есебін жүргізуге, сондай-ақ статистикалық есептілікті жасауға байланысты қызметтер және заңгерлік қызметтер, сондай-ақ маркетинг мәселелері бойынша қызметтерге байланысты 8 (7132) 744-616 (ішкі – 1530) телефон нөміріне хабарласа алады.

Бизнесті қолдау қызметтерін облыстың кез келген жерінен алуға болады. Әр ауданда өңірлік кәсіпкерлер палатасының филиалында қаладағыдай осындай мүмкіндіктер ұсынылады.

Ал онлайн-кеңес және сервистік қызметтерге https://g4b.kz порталында қол жеткізуге болады.

Айта кетейік, қаржылық емес қолдау бөлімінің сарапшысы Гүлшат Қаңтарбаеваның мәліметінше, өткен жылы кәсіпкерлерді қолдау орталығының мамандары 2009 кеңес берген.

Айбек СЕРІКҰЛЫ.