Ақтөбе облысының аумағында шектеу шараларын күшейту туралы

«ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІНІҢ ТАУАРЛАР МЕН КӨРСЕТІЛЕТІН ҚЫЗМЕТТЕРДІҢ САПАСЫ МЕН ҚАУІПСІЗДІГІН БАҚЫЛАУ КОМИТЕТІ АҚТӨБЕ ОБЛЫСЫНЫҢ ТАУАРЛАР МЕН КӨРСЕТІЛЕТІН ҚЫЗМЕТТЕРДІҢ САПАСЫ МЕН ҚАУІПСІЗДІГІН БАҚЫЛАУ ДЕПАРТАМЕНТІ»

РЕСПУБЛИКАЛЫҚ МЕМЛЕКЕТТІК МЕКЕМЕСІ АҚТӨБЕ ОБЛЫСЫНЫҢ 

БАС МЕМЛЕКЕТТІК

ҚАУЛЫ

 12.06.2020 ж.  

Ақтөбе қаласы

Ақтөбе облысының аумағында шектеу шараларын күшейту туралы

Мен, Ақтөбе облысының Бас Мемлекеттік санитариялық дәрігері Беркімбаева Нұрсұлу Алтынбекқызы, «Халық денсаулығы және денсаулық сақтау жүйесі туралы» Қазақстан Республикасы Кодексінің 150 бабы, Қазақстан Республикасы Ұлттық экономика министрінің 2015 жылғы 20 наурыздағы №239 бұйрығымен бекітілген, Қазақстан Республикасының аумағында шектеу іс-шараларын, оның ішінде карантинді жүзеге асыру қағидасының 2 тармағына, «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі күшейту туралы» Қазақстан Республикасы Бас Мемлекеттік санитариялық дәрігерінің 2020 жылғы 22 мамырдағы №37 қаулысына сәйкес, Ақтөбе облысының тұрғындары арасында коронавирустық инфекциямен сырқаттанушылықтың 6,5% өсуіне байланысты және оның одан әрі таралуына жол бермеу мақсатында, ҚАУЛЫ ЕТЕМІН:

1. Ақтөбе қаласының және облыс аудандарының әкімі, Ақтөбе облысының полиция департаменті, Ақтөбе облысының кәсіпкерлік басқармасы және облыстық «Атамекен» ҰКП қамтамасыз етсін:

1.1. Қызметті тоқтата тұру:

1) интернет және компьютерлік клубтар;

2) балалар аттракциондары, фудкорттар, оның ішінде сауда-ойын-сауық орталықтары, саябақтар, скверлер, аллеялар, дәмхана жанындағы;

3) сауықтыру лагерлері;

4) түнгі клубтар, кальяндар, караоке.

1.2. Тыйым салынсын:

1) бұқаралық, салтанатты, естелік және еске алу іс-шараларын өткізуге;

2) көрмелер, форумдар, конференциялар және өзге де ұйымдастырылған бұқаралық іс-шаралар өткізуге.

3) стационарлық емес қоғамдық тамақтану және сауда объектілерінің (дүңгіршектер, парктердегі стационарлық емес объектілер және басқалар) қызметіне.

2. Ақтөбе қаласы мен облыс аудандарының әкімі, Ақтөбе облысының полиция департаменті:

1) қалалардағы қоғамдық көліктің жұмыс тәртібі сағат 06:00-ден 21:00-ге дейін;

Санитариялық-дезинфекциялық режимді сақтау талаптарын күшейту. Қоғамдық көлікке жолаушыларды (оның ішінде жүргізушілер мен кондукторларды) маскасыз жібермеу. Жолаушыларды тасымалдау қатаң түрде отырғызу орындарының саны бойынша жүзеге асырылсын;

2) Азық-түлік, мал, автомобиль, киім-кешек, құрылыс базарларының жұмыс тәртібі дүйсенбіден бейсенбіге дейін сағат 09:00-ден 13:00-ге дейін, жұма-жексенбі күндері сағат 10:00-ден 16:00-ге дейін күшейтілген санитариялық-дезинфекциялық режимді сақтай отырып;

3) Қазақстан Республикасының Бас Мемлекеттік санитариялық дәрігерінің 20.05.2020 жылғы №37 қаулысының 17 қосымшасына сәйкес онлайн-тапсырыс және жеткізу объектілерін қоспағанда, сатып алушылар арасындағы әлеуметтік қашықтықты, күшейтілген санитариялық-дезинфекциялық режимді сақтай отырып, азық-түлік дүкендерінің, супермаркеттердің, гипермаркеттердің жұмыс режимі сағат 10:00-ден 20:00-ге дейін;

4) Азық-түлік емес дүкендердің, сауда орталықтарының, үйлердің, тұрмыстық техника дүкендерінің, құрылыс дүкендерінің ауданына қарамастан күшейтілген санитариялық-дезинфекциялық режимді сақтай отырып, сағат 10:00-ден 18:00-ге дейін жұмыс режимі;

5) күшейтілген санитариялық-дезинфекциялық режимді сақтай отырып, адамдар жаппай жиналатын сауда-ойын-сауық орталықтарының жұмыс режимі сағат 10:00-ден 17:00-ге дейін;

6) аквапарктардың, бассейндердің жұмыс тәртібі сағат 10:00-ден 20:00-ге дейін күшейтілген санитариялық-дезинфекциялық режимді сақтай отырып;

7) күшейтілген санитариялық-дезинфекциялық режимді сақтай отырып, моншаның жұмыс тәртібі сағат 10:00-ден 20:00-ге дейін;

8) күшейтілген санитариялық-дезинфекциялық режимді сақтай отырып, білім беру орталықтарының, үйірмелердің, қосымша білім беру орталықтарының (репетиторлық, тілдік) жұмыс тәртібі сағат 10:00-ден 16:00-ге дейін;

9) күшейтілген санитариялық-дезинфекциялық режимді сақтай отырып, барлық меншік нысанындағы спорт объектілерінің (фитнес клубтар, тренажер залдары, спорт кешендері) жұмыс тәртібі сағат 10:00-ден 20:00-ге дейін;

10) Қазақстан Республикасының Бас Мемлекеттік санитариялық дәрігерінің 20.05.2020 жылғы №37 қаулысының 19-қосымшасына сәйкес онлайн-тапсырыс және жеткізу объектілерін қоспағанда, қоғамдық тамақтандыру объектілерінің (оның ішінде жазғы павильондардың) жұмыс режимі сағат 10:00-ден 22:00-ге дейін, үстелдердің арасындағы әлеуметтік қашықтықты сақтай отырып және 50 адамға дейін келушілер санын шектей отырып (банкеттер өткізбей);

11) онлайн форматта қызмет көрсету мүмкін болмаған жағдайда, ХҚО-ның жұмыс тәртібі сағат 10:00-ден 16:00-ге дейін;

12) күшейтілген санитариялық-дезинфекциялық режимді сақтай отырып, букмекерлік кеңселердің, бильярд, боулинг-орталықтардың жұмыс режимі сағат 10:00-ден 18:00-ге дейін;

13) мешіттерде жұма намазын өткізуді (жеке намаз өткізу үшін әрбір адамға ғибадат орындарын 1,5 метр қашықтықта, күшейтілген санитариялық-дезинфекциялық режимді сақтай отырып белгілеу) шектесін.

3. Ақтөбе қаласының және облыс аудандарының әкімі, құқық қорғау, арнайы органдар, барлық мемлекеттік органдар (ұйымдар) Ақтөбе облысының аумағында коронавирустық инфекциямен сырқаттанушылықтың одан әрі өсуінің алдын алу мақсатында шектеу шараларын күшейтсін және қамтамасыз етсін:

1) Мемлекеттік органдардың (ұйымдардың), кеңселердің әлеуметтік қашықтықты және күшейтілген санитариялық-дезинфекциялық режимді сақтай отырып қызметі, бұл ретте қызметкерлердің 80% – ы үшін қашықтықтан жұмыс нысаны сақталады (штат кестесінде 30-дан астам қызметкер сақталады);

2) қашықтықтан жұмыс жасайтын қызметкерлер арасында карантиндік іс-шараларды сақтау;

3) қызметті жүзеге асыратын барлық объектілерде күшейтілген санитариялық-дезинфекциялау режимін сақтау (қолды өңдеуге арналған санитайзерлерді орнату, бетін күніне кемінде екі рет өңдеу, дезинфекциялау құралдарын қолдана отырып ылғалды жинау, желдету);

4) көшелерді жаппай дезинфекциялау (жуу), әрбір рейс алдында қоғамдық көліктің жуу және дезинфекциялау құралдарын, қоғамдық көлік аялдамаларын (күніне кемінде екі рет), балалар және спорт алаңдарын, отырғыштар мен орындықтар, банкоматтарды, банктердің терминалдарын, POS-терминалдарды қолдана отырып өңдеу;

5) эпидемияға қарсы режим талаптарын сақтау және әкімдіктер жанындағы ұтқыр топтардың тексерулер жүргізуін күшейту;

6) такси қызметтерінің жолаушыларды тасымалдау бойынша міндетті түрде маска тағып,тек 1 адамнан немесе бір ересек адамның екі кәмелетке толмаған баланы алып жүруі шектеулерін сақтауы.

5. Ақтөбе облысының тұрғындарына:

1) жаппай, салтанатты, отбасылық және естелік іс-шараларды,оның ішінде үй жағдайында аула маңындағы аумақтарда шатырлар, палаткалар, киіз үйлер орната отырып, өткізуге тыйым салу;

2) мыналарды: азық-түлікті, бірінші кезекте қажетті заттарды, дәрілік заттар мен медициналық бұйымдарды сатып алуды, медициналық көмекке қатысты, жұмысқа шығуды қоспағанда, аса қажетсіз тұрғын үйден шығуды шектеу;

3) тұратын жерінен тыс жерде жүрген кезде маска киіп, бір рет қолданылатын қолғаптарды пайдалану және қолды өңдеуге арналған тері антисептиктерінің болуы;

4) отбасы мүшелерін қоспағанда, үш адамнан аспайтын топтардың жүруін шектеуге;

5) 65 жастан асқан азаматтар өзін-өзі оқшаулау режимін сақтауға міндетті.

6. «Қазпочта» АҚ Ақтөбе облыстық филиалына»:

1) «Қазпочта» АҚ филиалдарының жұмыс режимін онлайн форматта қызмет көрсету мүмкін болмаған жағдайда сағат 10:00-ден 16:00-ге дейін шектеу;

2) Әлеуметтік қашықтықты және күшейтілген санитариялық-дезинфекциялық режимді сақтауды қамтамасыз ету;

3) қызметкерлердің халыққа бір рет қолданылатын қолғаптар мен медициналық маска киіп қызмет көрсетуін қамтамасыз ету;

4) жеке қорғану құралдарында (халат, медициналық маска, қолғаптар) пошталық хат-хабармен (хаттар, сәлемдемелер және т.б.) байланыс жасауды көздейтін жұмысты ұйымдастыру.

7. Темір жол және автовокзалдар әуежайларының басшылары:

1) әуе кемелері мен құрамдарды келгеннен кейін, оның ішінде қызмет көрсететін жердегі жабдықтар мен көлікке қорытынды дезинфекциялау;

2) әрбір рейстен кейін әуе кемелерін, құрамдарды және көлікті ағымдағы профилактикалық дезинфекциялау;

3) жолаушыларды түсіруге және отырғызуға тартылған әуежай терминалдарының, темір жол және автовокзалдардың барлық үй-жайларын ағымдағы профилактикалық дезинфекциялау.

8. Ақтөбе облысының полиция департаменті:

1) жоғарыда көрсетілген талаптардың бұзылуы немесе орындалмауы анықталған жағдайда Қазақстан Республикасының қолданыстағы заңнамасына сәйкес, оның ішінде профилактикалық сипаттағы шаралар қолдануға;

2) қоғамдық тәртіпті бұзуға жол бермей, провизорлық, карантиндік стационарларды және үй карантиніндегі адамдарды күзету. 

9. Ақтөбе облысының ішкі саясат басқармасы:

1) жеке профилактика шаралары және ауру жағдайында мінез-құлық тактикасы, үй жағдайында халық арасында COVID-19 таралуының алдын алу бойынша ақпараттық-түсіндіру жұмыстарын күшейту;

2) Осы қаулыны барлық мүдделі органдардың, ведомстволардың назарына жеткізсін, халықты БАҚ және әлеуметтік желілер арқылы хабардар етсін.

10.Қаулы барлық жеке және заңды тұлғалардың, меншік нысанына және ведомстволық бағыныстылығына қарамастан кәсіпкерлік субъектілерінің орындауы үшін міндетті.

11. Осы қаулының орындалуын бақылауды өзіме қалдырамын.
12. Шектеу іс-шараларының режимі мен мерзімі COVID-19 тарату жағдайының өзгеруіне сәйкес өзгертілуі мүмкін
13. Осы қаулы қол қойылған күнінен бастап күшіне енеді

Ақтөбе облысының

Бас Мемлекеттік

санитариялық дәрігері                                                            Н.А. Беркімбаева