Сабаққа ата-аналар қатысты
Соңғы бір-екі жылдықта қала мектептерінің мұғалімдеріне педагог кадрлардың біліктілігін арттыру деңгейлі бағдарламасы аясында бірінші (ілгері), екінші, үшінші деңгейлер бойынша дәріс беруге келген ұстаздар сыныпта сабақ өткізудің жаңа әдіс-тәсілдерін үйретуде.
Өйткені келешек ұрпақ бүгін өте білімді болуы керек. Қоғамның басты мәселелерінің бірі — білім беруді түбегейлі өзгерту.
Қазіргі таңда басты мақсат: ХХІ ғасырда нені оқыту керек?
Оның ішінде мектеп пен ата-ананың қарым-қатынасы да ескерілген.
Ақтөбе қаласындағы №38 қазақ орта мектебінің бастауыш сынып мұғалімі Дариға Қуанышкереева ата-аналар арасында «Тәрбие отбасынан басталады» атты коучинг сабағын өткізді. Отбасыңдағы бала тәрбиесі, оның сабаққа дайындалуын қамтитын түрлі сұрақтар беріліп, оған ата-аналар жазбаша жауап берді. Интерактивті тақта арқылы түрлі ойындар ойналып, пікір-талас болды. Баланы жалықтыратын, көнерген сабақ беру әдісіне қарағанда, түрлі құралдар пайдаланып оқыту әрі қызғылықты, әрі оқушы тез қабылдайтынына көз жеткізуге болады. Тренинг ата-аналардың белсенділігімен тартымды өтті.
С.ХАЙРУЛЛАҰЛЫ.
