Тазалық — дағдыға айналуы керек

Ақтөбе қаласы аумағындағы Есет батыр тұрғын алабында сенбілік жұмыстары өтті.

— «Таза Қазақстан» акциясын қолдаймын және қала тұрғындарын осы шараға белсенді қатысуға шақырамын. Бұл бір күндік іс-шарамен шектелмеуі керек, әр азаматтың күнделікті дағдысына айналуға тиіс. Егер әркім өз ауласын, көшесін таза ұстап, табиғатты аяласа, біз шын мәнінде таза Қазақстанды қалыптастыра аламыз, — дейді сенбілікке қатысқан Ақтөбе қалалық құрылыс бөлімінің бас маманы Айгүл Олжабай.
Қалалық құрылыс бөлімі мен «Ақтөбе құрылыс компаниясы» ЖШС қызметкерлері Есет батыр тұрғын алабындағы Есет Көкіұлының ескерткіші маңында тазалық жұмыстарын жүргізді. Акцияға қатысқан 16 адам қыстан қалған күл-қоқысты жинап, айналаны ретке келтірді.

Арайлым НҰРБАЕВА.