Жаңалықтар

Картоп сапасына мән беріледі

Анық-қанық

Картоптың бағасы мен сапасына қатысты әңгіме азаймай тұр. Ақтөбе әлеуметтік-кәсіпкерлік корпорациясының баспасөз хатшысы  Зульфия Набиулинаның айтуынша, егер өнім сапасыз, шіріген, сатуға келмейтін болса, сауда сөрелеріне шығарылмайды екен.

Қазіргі таңда Ақтөбе әлеуметтік-кәсіпкерлік корпорациясының тұрақтандыру қорында 1164 тонна картоп бар. Апта сайын ірі гипермаркеттер мен «Табыс» шағын базарларына 100 тоннаға жуық өнім жеткізіледі. Ақтөбе әлеуметтік-кәсіпкерлік корпорациясының мәліметінше, өткен жылдың соңында кейбір шаруа қожалықтарынан әкелінген картоптың сапасы нашар болып шыққан. Сондықтан өнім саудаға шығарылмаған.

Жалпы, шаруа қожалықтарынан әкелінген өнім сұрыпталады. Тұрақтандыру қорынан гипермаркеттерге өнімді жіберген кезде, олар да сұрыптайды. Егер өнім сатуға келмейтін болса, сөреге шығармай, қорға қайтарып жібереді, — деді баспасөз хатшысы.

Сондай-ақ екі апта бұрын 460 келі шіріген картоп шаруа қожалықтарына қайтарылғанын  айтты.

Кәмшат ҚОПАЕВА.

Басқа жаңалықтар

Пікір үстеу

Э-пошта мекенжайыңыз жарияланбайды.

Back to top button