«Мейірім» балабақшасы ашылды

Қуаныш

Темір ауданының орталығы Шұбарқұдық кентінде заманауи үлгідегі «Мейірім» балабақшасы пайдалануға берілді. Екіқабатты нысанды жеке кәсіпкер, «Мейірім-жүрек» ЖШС өкілі Өмірбай Жайлышев салды.

Бұған дейін Қызылжар шағын ауданында балабақша болмауына байланысты аталған аумақ тұрғындары балаларын қашықтағы балабақшаларға апаруға мәжбүр еді. Енді бұл мәселе шешімін тауып, 250 орынға шақталған мектепке дейінгі білім беру ұйымы бой көтерді. Жалпы аумағы — 2300 шаршы метр. Барлығы 10 топ қабылдай алады. Мұндағы бөлмелер заманауи құрал-жабдықтармен қамтылған. Балабақшада тұз шахтасы, оттегі коктейлі бар.Сонымен қатар барлық топта бейнебақылау камералары қондырылған.

Кәсіпкердіңайтуынша, мекеме алдағы уақытта мемлекеттік білім беру тапсырысы аясында жұмыс істеуге ынталы.

Облыс әкімінің орынбасары Жолдас Батырхан жаңадан ашылған балабақшаның жұмысыментанысып, облыстық білім басқармасына мемлекеттік білім беру тапсырысын орналастыруды жеделдетуді тапсырды.

Айбек СЕРІКҰЛЫ.

Темір ауданы.