Тынымбай Төлепбайұлы — халықаралық «Алаш» әдеби сыйлығының лауреаты

Құттықтаймыз!

Қазақсан Жазушылар одағында бір топ қаламгерге халықаралық «Алаш» әдеби сыйлығы берілді.

Олардың қатарында жерлесіміз, жазушы Тынымбай Төлепбайұлы да бар.

Тынымбай Төлепбайұлы 1941 жылы Байғанин ауданының Жарқамыс ауылында дүниеге келген. 1965 жылы Жамбыл қаласындағы технологиялық институтты бітірген.

Әр жылдарда «Арман қанатында» атты жас жазушылардың жинағына, республикалық көркем-әдеби басылымдарға шығармалары жарияланып тұрды. «Кішкентай бригадир» хикаяты, «Өмір сыры», «Қанағат» әңгімелер жинақтары мен «Шырғалаң», «Ғасыр үні», «Ұлы сезім» романдарының авторы. Оның «Шырғалаң» романы орыс тіліне аударылып, Алматы баспасынан «Зов «Антигероя» деген атпен көп таралыммен жарық көрді.

Ол — Байғанин ауданының құрметті азаматы, «Ерен еңбегі үшін» медалінің иегері.

Қарымды қаламгерді жоғары әдеби сыйлығымен құттықтап, алдағы уақытта да шығармашылық жетістіктер тілейміз.

Өз тілшіміз.