Құнды экспонаттармен толықты

Музей

М.Оспанов атындағы Батыс Қазақстан медицина университеті музейінің қоры ҚР білім беру ісінің құрметті қызметкері, медицина ғылымының докторы, профессор Төленді Кәрімов пайдаланған құнды экспонаттарымен толықты.

Атап айтсақ, «Артыңда із қалдыр» акциясының аясында белгілі ғалымның марапаттары, газет бетінде жарияланған мақалалары және қара домбырасы қордан орын алды. Бұл жәдігерлерді Төленді Кәрімовтің қызы, Қ.Жұбанов атындағы Ақтөбе өңірлік университеті психология және арнайы педагогика кафедрасының доценті Айгүл Кәрімова арнайы келіп тапсырды.

Аталған акцияға ғылыми жұмыстар жөніндегі департамент жетекшісі Ақмарал Баспақова да атсалысып, профессордың жұмыс барысында пайдаланған әдістемелік кітапшалары, т.б. жәдігерлермен толықтырды.

Гаухар СЕЙІТЖАНОВА,

М.Оспанов атындағы БҚМУ-дің музей жетекшісі.