Жаңалықтар
Ақтөбе облысында теміржолшылар көгершін өсірушілер клубын құрды
Ақтөбе локомотив депосының бұрынғы машинисі Төремұрат Батырғарин 2017 жылы зейнетке шыққан соң кептер өсіруді қолға алады. Бүгінде оның 100-ге жуық құсы бар.
Төремұрат Батырғариннің айтуынша, әр көгершіннің адам сияқты өзіндік сипаты бар. Олар сыртқы түрімен, көлемімен ерекшеленеді.
💬 «Көгершіндер – бейбітшілік пен достықтың символы. Бұл менің хоббиім, рахаттанамын, нағыз терапия. Аспанда ұшқан, қалықтаған құстарды бірнеше сағат бойы бақылай аламын және бұл шаршағанды басады», – деді ол.
Теміржолшы көгершіндер көрмелеріне үнемі қатысады, тіпті жүлделі орындарға ие болған. Біржола хоббиіне айналған кәсібінің арқасында теміржолшылар арасында көгершін өсірушілер клубын құрды.
Н.АРМАНҚЫЗЫ.