Премьер-Министр — Әлихан Смайылов
Үкімет
Мәжіліс депутаттары Премьер-Министр лауазымына Әлихан Смайыловты тағайындауға келісім берді.
Дауыс беру барысында жалпы отырысқа қатысқан 97 депутаттың 82-сі оның кандидатурасын қолдады. 7 депутат қарсы шығып, 8 депутат қалыс қалды.
Премьер-Министрдің кандидатурасын сайлауда жеңіске жеткен Amanat партиясы ұсынды.
Кеше Палата депутаттарының басым бөлігі келісім бергеннен кейін Мемлекет басшысы Қасым-Жомарт Тоқаев Әлихан Смайыловты Қазақстан Республикасының Премьер-Министрі лауазымына тағайындау туралы Жарлыққа қол қойды.
Мәжілістің жалпы отырысында Премьер-Министр лауазымына қайта кіріскен Әлихан Смайылов Үкімет алдағы уақытта шешетін негізгі міндеттерді атады.
Орта мерзімді кезеңде ел экономикасының өсуін 5 пайызға жеткізу және осы жылдың аяғына дейін инфляция деңгейін 2 есеге төмендету міндеті қойылып отыр.
«Ақтөбе ақпарат».
