Ресми мәлімдеме

Кейбір ақпарат беттерінде «Ақтөбе» ФК ойыншылары қаржылық жағдайға байланысты жаттығудан бас тартып жатыр деген мәлімдеме шығуда.

«Ақтөбе» футбол клубы көрсетілген ақпараттың шындыққа жанаспайтынын ресми түрде хабарлайды. Ойыншыларға еңбекақылары шартқа сәйкес алдағы аптада төленеді.

Бүгінгі күні «Ақтөбе» футбол клубының ойыншылары жаттығудан бас тартқан емес. Керісінше алдағы матчтарға тыңғылықты даярлық жасауда және жеңіске жетуге бел бууда.

Жанкүйерлер мен БАҚ өкілдерін ресми ақпарат көздеріне сенуге шақырамыз.

Ақтөбе облысы әкімінің баспасөз қызметі