І орын — «Думанда»
Байқау
Ақтөбе қалалық мәдениет және тілдерді дамыту бөлімінің ұйымдастыруымен балабақша тәрбиеленушілері арасында «Тіл болашағы — балабақшада» атты қалалық байқау өтті.
Байқаудың мақсаты — мемлекеттік тілдің мәртебесін көтеру, тіл тазалығын сақтау, балалардың танымдық қабілетін арттыру, тілді құрметтей білуге тәрбиелеу.
Байқауға 6 топ қатыcты. Олар үш кезең бойынша сынға түсті. 1-кезеңде қатысушылар өздері тәрбиеленіп жатқан білім беру мекемесі мен тобын таныстырса, 2-кезеңде ауызша тапсырмаларға жауап берді. Ал 3-кезеңде ертегілер бойынша көрініс көрсетіп, өз өнерін ортаға салды.
Байқау нәтижесі бойынша І орынды №49 «Думан» бөбекжай-балабақшасы жеңіп алды.
ІІ орынды №43 «Гүлдәурен» балабақшасы, ІІІ орынды №7 «Арман» балабақшасы иеленді.
Шара соңында жеңімпаздар қала әкімінің орынбасары А.Көпеновтің атынан дипломдар және сыйлықтармен марапатталды.
Сонымен қатар байқауға қатысқан барлық қатысушыға арнайы сыйлықтар берілді.
Д.АЙДАР.