Үзілістің алдында
Премьер-Лига
15-турда, біріншіден, алғашқы үштіктегі екі команда («Ақтөбе», «Шахтер») жеңіліп, бір команда («Астана») тең ойнады. Екіншіден, семейлік «Спартак» биыл Премьер-Лигамен қайтадан қоштасатындығын біржола «дәлелдегендей» болды. Үшіншіден, алтыншы орынға шамалас ұпайлармен төрт бірдей команда иек артып тұрған шиеленісті жағдай қалыптасты.
1 маусым, жексенбі күні өткен бұл турды «Ақтөбе» Талдықорғанда өткізді. Жерлестеріміз ойынға шабыттана кіріскендей болғанымен, көп ұзамай тізгінді босатып алды. 26-минутта бұрыштамадан келген допты Боти Демель біздің қақпамызға тура бағыттап үлгерді. Сөйтіп, шебер қақпашымыз Андрей Сидельниковтің гол өткізбей қойған үзіліссіз уақыты 641 минутқа жетіп тоқтады. Расын айту керек, ақтөбеліктер бұдан соң да есе қайтарарлықтай қарқын көрсете алмады. Сөйтіп, биыл екінші рет жеңілді.
«Жетісу»-«Ақтөбе» — 1:0.
Гол авторы: Боти Демель, 26-минут (1:0).
«Ақтөбе» мына құрамда ойнады: Андрей Сидельников, Тарас Царикаев (Асхат Тағыберген, 49-минут), Дмитрий Мирошниченко, Марат Хайруллин, Роберт Арзуманян, Павел Шабалин (Абат Айымбетов, 68-минут), Валерий Коробкин, Юрий Логвиненко, Александр Гейнрих, Игорь Зенькович, Тимур Кападзе.
* * *
Басқа кездесулер:
«Атырау»-«Шахтер» — 3:2.
«Астана»-«Қайрат» — 2:2.
«Ордабасы»-«Ертіс» — 2:1.
«Қайсар»-«Тобыл» — 0:0.
«Спартак»-«Тараз» — 0:1.
Чемпионат басталғалы 90 кездесу өткізілді, қақпаға енген голдар саны — 190, әр кездесуде орта есеппен 2,11 гол соғылды. Қазірге дейін ең көп (30 рет) қайталанған есеп — 1:0. Турнир кестесін 5 голмен төрт футболшы бастап тұр.
* * *
Біздің мергендеріміз:
Марат Хайруллин (жартылай қорғаушы) — 4 доп (1-еуі пенальтиден соғылды);
Маркос Пиззелли (жартылай қорғаушы) — 4;
Игорь Зенькович (шабуылшы), Данило Неко (шабуылшы) — 3;
Александр Гейнрих (шабуылшы) — 3 (1);
Дмитрий Мирошниченко — 2;
Юрий Логвиненко (қорғаушы), Павел Шабалин (шабуылшы), Тимур Кападзе (жартылай қорғаушы) — 1;
1 допты Сигурни Банджар («Тараз») өз қақпасына соғып алды.
«Ақтөбе» өз алаңында 7 кездесу өткізді: 6 рет жеңіп, 1 рет тең ойнады, 15 гол соқты, өз қақпасын аман сақтады, 19 ұпай жинады. Сырт алаңда 8 кездесу өткізіп, 4 рет ұтты, 2 рет тең түсті, 2 рет жеңілді. Қарсыластар қақпасына 8 гол соғып, өз қақпасына 4 доп жіберіп алды, 14 ұпай жинады.
ОЙЫН КЕСТЕСІ
Командалар О Ұ Т Ж Д Ұп
1 Ақтөбе 15 10 3 2 23-4 33
2 Шахтер 15 8 2 5 22-16 26
3 Астана 15 7 5 3 19-11 26
4 Қайсар 15 7 4 4 14-12 25
5 Қайрат 15 7 3 5 20-14 24
6 Ордабасы 15 6 3 6 16-16 21
7 Атырау 15 5 6 4 13-13 21
8 Ертіс 15 6 2 7 19-19 20
9 Тобыл 15 5 5 5 14-18 20
10 Жетісу 15 4 4 7 11-13 16
11 Тараз 15 4 2 9 12-22 14
12 Спартак 15 0 3 12 7-32 3
*О — ойын, Ұ — ұтыс, Т — тең, Ж — жеңіліс, Д — доп айырмашылығы, Ұп — ұпай.
* * *
Екі апталық үзілістен соң, 14 маусым, сенбі күні өтетін 16-турда «Ақтөбе» өз алаңында «Ордабасы» командасын қабылдайды.
Бірінші айналымда Шымкентте өткен кездесуде 0:1 есебімен жеңіліп қалған болатынбыз.
Басқа кездесулер:
«Шахтер» — «Жетісу»
«Тобыл» — «Астана»
«Тараз» — «Қайрат»
«Ертіс» — «Қайсар»
«Спартак» — «Атырау».
Ертай АШЫҚБАЕВ.
