Еңбек жағдайларының жақсарғанын қалайды

Қазақстан Халық партиясынан Мәжіліс депутаттығына кандидаттар Нұр-Сұлтан қаласында электр-техникалық зауытқа барды.

Спикерлер партия бағдарламасын түсіндіріп, өнеркәсіптік кәсіпорындардағы еңбеккерлердің құқықтарын қорғау және қолдау жөніндегі негізгі тармақтар мен тезистерге назар аударды.

— Қазақстан Халық партиясының басшысы Айқын Қоңыров теледебаттар кезінде экономикалық реформалар, Қазақстанда халық экономикасын құру қажеттігіне назар аударды. Біз елдегі нақты әлеуметтік-экономикалық жағдай шенеуніктер айтқаннан әлдеқайда басқа екенін жақсы білеміз. Әзірге бізде квазимемлекеттік, трансұлттық компаниялар басым. Ал экономиканың нақты секторы дамымай отыр, — деді депутаттыққа кандидат Жамбыл Ахметбеков.

ҚХП мүшелері мемлекет экономиканы дамытудың жаңа моделін қабылдауға тиіс деп санайды.

Кездесуге қатысушылар өздерін толғандырған сұрақтарын қойып, «Астана электротехникалық зауыты» ЖШС-да еңбек жағдайларын жақсарту бойынша ұсыныстар енгізді. Іс-шара ҚХП сайлауалды үгіт-насихат науқаны аясында өтті.

qhp.kz