10 адам індет жұқтырды
5 қаңтар күні облыста коронавирус жұқтырған 10 адам тіркелді. Науқастың бесеуінде ауру белгісі байқалған. Індет жұқтырғандардың жетеуі Ақтөбе қаласынан болса, біреуі Мәртөк, екеуі Қарғалы аудандарының тұрғындары. Аурушаңдықтың өсу деңгейі — 0,3%.
Жалпы, облыста КВИ-мен ауырған 3721 адам тіркелді, оның 49,6%-ы ауру белгілерімен және 50,3%-ы симптомсыз жағдай. 3684 науқас жазылып шықты. Ақтөбе қаласында 2647 адам ауырса, Әйтеке би — 21, Алға — 102, Байғанин — 58, Ырғыз — 54, Қобда — 14, Қарғалы — 59, Мәртөк — 133, Мұғалжар — 177, Темір — 191, Ойыл — 21, Хромтау — 130, Шалқар ауданында 114 адам вирус жұқтырған.
Жалпы тіркелген 3676 науқастың 3,6%-ы сырттан келген. 554 науқас ауру адаммен байланыста болған. Профилактикалық мақсатта тексерілгендердің саны — 1033. Қазіргі таңда үй карантиніне 175 адам алынып, оларға медициналық бақылау жүргізілуде.
Облыстық санитарлық-эпидемиологиялық бақылау департаментінің мамандары тұрғындарға қауіпсіздік шараларын сақтап жүруді ескертеді. Қоғамдық көлікке мінгенде және адам көп жиналатын жерлерде бетперде тағып, антисептикалық сұйықтық пайдаланған жөн.
Кәмшат ҚОПАЕВА.