Тазалық күні өтті

Акция

Жыл сайын 19 қыркүйек күні бүкіл әлемде «World cleanup Day» акциясы өтеді. Мұғалжарлықтар аталған экологиялық қозғалысқа биыл белсене қатысты. ⠀
Акцияға қатысушылар қала көшелері мен қоғамдық орындарды қоқыстардан тазартуға өз үлестерін қосты. Қоршаған ортаны тазартуға арналған шара аудан орталығында ғана емес, қалалық және ауылдық округтерде де жалғасын тапты.⠀
Мемлекет басшысы Қ.Тоқаев 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты Қазақстан халқына Жолдауында «Birge — taza Qazaqstan» акциясын қоғамда экология құндылықтарын қалыптастыру мақсатында тұрақты негізде өткізу қажеттігін атап өткен болатын. ⠀
Таңертеңгі уақыттың салқынына қарамастан, ауданымыздың тазалығын сақтауға атсалысқан жерлестерімізге алғысымызды білдіреміз.⠀
Қоршаған ортаға ұқыпты және жауапкершілікпен қарауға шақырамыз.

 Жандос АБАЙҰЛЫ,

Мұғалжар ауданы.