Цифрлық сауаттылығыңыз қалай? 

Акция

«Keruen city» сауда, ойын-сауық орталығында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті «Азаматтарға арналған үкімет» мемлекеттік корпорациясымен бірлесе халықтың цифрлық сауаттылығын арттыруға арналған акция өткізді.
​Шара барысында  100-ден астам тұрғын «Мобильді азаматтар» базасына тіркелді, ал 180 адам «Электрондық үкімет» веб-порталын қолдану бойынша кеңестер алды. Сондай-ақ ойын-сауық орталығының келушілеріне электрондық мемлекеттік қызметтерді алу бойынша ақпараттық парақшалар таратылды.
Аталған іс-шара «Электрондық үкімет» веб-порталын насихаттау арқылы тұрмыстық сыбайлас жемқорлықты жоюға және қоғамда сыбайлас жемқорлыққа қарсы мәдениетті қалыптастыруға бағытталды.

Айта кетейік, бүгінгі таңда облыс бойынша 30 643 азамат «ТелеграмБОТ» желісін пайдаланып отыр.

Айбек СЕРІКҰЛЫ.