Үлгілі келін
Байқау
Облыстық жастар мен балалар ұйымдарының қауымдастығы «Үлгілі келін — 2022» байқауын өткізді. Байқау жастар ресурстық орталығының қолдауымен ұйымдастырылды.
Шараның басты мақсаты — отбасы құндылықтарын насихаттау. Жас келіндерді әдептілік пен имандылыққа, ақыл-парасаттылыққа шақыра отырып, өнерлі жастарды қолдау.
Байқау қатысушылары таныстыру, өз өнерін көрсету, қамыр илеу, жаю, сән көрсетілімі сияқты 4 кезең бойынша сайысты.
— Мен Ілияс Есенберлин атындағы №15 орта мектебінде бастауыш сынып мұғалімі болып жұмыс істеймін. Бүгінгі байқауда жетім баланың монологын көрініс ретінде көрсеттім. Тұрмысқа шыққаныма биыл 7 жыл. Бір ұлдың анасымын. Менің алға қойған мақсатым — отбасы тәрбиесінің мән-маңызын түсіндіре отырып, ұлттық салт-дәстүрді құрметтеу, — дейді байқау қатысушысы Арайлым Төлеуова.
Шара соңында жеңімпаздар марапатталды.
Ақмарал МҰҚАШЕВА.