Жаңа орталық — тың мүмкіндіктер
Ойыл аудандық орталық кітапханасында Коворкинг орталығы ашылды.
Орталық заман талабына сай жабдықталған. Сондай-ақ оқырманға ыңғайлы қызмет көрсетуге, жастардың бос уақытын тиімді өткізуіне барлық жағдай жасалған. Мұнда оқу залы, ашық қор және іс-шаралар өткізу, IT аймақтары жұмыс істейді.
Оқу залында іс-шараларды, дәрістерді өткізуге, кино көрсетілімдерді көруге мүмкіндік бар. IT аймақта тегін WI-FI желісін пайдаланып, 4 ноутбук және 4 моноблокпен, кітаптармен, қажетті материалдармен жеке жұмыс істеуге болады.
Шараның ашылуында аудан әкімінің орынбасары Мұратбай Айдарбаев кітапхана ардагелері мен оқырмандарын құттықтап, орталықтың жұмысына шығармашылық жетістіктер тіледі.
А.НАУРЫЗОВА,
Ойыл аудандық орталықтандырылған
кітапханалар жүйесінің директоры.