Әлия үшінші орын алды

Ақтөбе қаласындағы №55 орта мектеп-гимназиясының 9-сынып оқушысы Әлия Жалғасбаева «Дарын» республикалық ғылыми жобалар байқауында үшінші орын алды. Әлияның ғылыми жобасының  тақырыбы — «Қаһарман қыз — Сапура».

Азаттық үшін күрескен батыр қыздың бірі — Сапура Мәтенқызы. Кейінгі жылдары тарихшылар, өлкетанушылар  батыр қыз туралы зерттей бастады.  Былтыр облыста Сапура Мәтенқызына арналған іс-шаралар өтті. Оқушылар арасында да  батыр  туралы көбірек насихатталуда.

Әлия Жалғасбаеваның мақаласы  байқаудың облыстық кезеңінде бірінші орын алған. Оқушы қыз  батыр апасы туралы әлі де зерттей түсетінін айтты.

А.РАСУЛ.