Жастардың жарысы

Турнир
Темір ауданында бұқаралық спортты дамытып, салауатты өмір салтын насихаттау мақсатында волейболдан турнир өтті. Оған 8 команда қатысты.
Аудандық жастар ресурстық орталығы мен білім бөлімі бірлесе ұйымдастырған жарыс жастар арасында өткізілді. Ұйымдастырушылар, бір жағынан, аталған шара арқылы жастардың бос уақытын тиімді өткізуді көздегенін атап өтті.
— Биылдыққа бірінші рет ұйымдастырылып отырған спорттық сайыс алдағы уақытта жалғасын табады. Қысқы спорт түрлерін де қамту жоспарда бар. Ол үшін қажетті құралдар, өткізетін орын да бар, — дейді аудандық жастар ресурстық орталығының өкілдері.
Жарыс нәтижесінде «Qazaq auyl» құрамасы жеңіске жетсе, одан кейінгі жүлделі орындарды Қызылжар орта мектебі мен №3 Шұбарқұдық орта мектебі ұжымдары өзара бөлісті. Сондай-ақ ойыншылар арасынан МұқасанМәтжан үздік шабуылшы, Еркебұлан Шынжановүздік байланыстырушы, Диас Какенов үздік қорғаушы атанды. Соңында жеңімпаздарға дипломмен сыйлықтар табысталды.
Айәли АЙБЕК.
Темір ауданы.