Жерлестеріміз 3-орын алды
Ұлттық спорт
Облыстық мамандандырылған ұлттық спорт түрлерінен балалар-жасөспірімдер спорт мектебінің спортшылары Жамбыл облысы Тараз қаласында өткен ересектер арасындағы көкпардан және аударыспақтан Х Қазақстан Республикасының чемпионатына қатысып, жүлдегер атанды.
Биыл оныншы рет ұйымдастырылған жарыста 10 облыстан жиналған 100-ге жуық спортшы бақ сынасты.
Аударыспақ сайысы сегіз салмақ дәрежесі бойынша өтті. Ақтөбе спортшылары бес салмақ дәрежесі бойынша 2 алтын, 3 күміс медальға ие болды. Атап айтсақ,
62 келі салмақ дәрежесінде Азамат Серғазин мен 100 келі салмақта Арман Сағынбаев 1-орын алса, 68 келі салмақта Шыңғысхан Ержанов, 74 келі салмақта Балтабек Төребек, 100 келі салмақ дәрежесінде Әділжан Жаналиндер 2-орынды еншіледі.
Жалпы командалық есепте жерлестеріміз 3-орыннан көрінді.
Сондай-ақ жақында қазақ күресінен Қостанай қаласында өткен 2001-2003 жылы туған жастар арасындағы ел чемпионатында аталған спорт мектебінің спортшысы Ерасыл Амангелді (жаттықтырушысы — Мейрамбек Әбішов) 84 келі салмақ дәрежесінде 1-орынды иеленді.
Ақбота ҚАЛДЫБЕК.