Басқарма басшысы тағайындалды
Тағайындау
Облыстық жолаушылар көлігі және автомобиль жолдары басқармасының басшысы болып Айбек Қайыр тағайындалды.
Айбек Қайыр Қ.Жұбанов атындағы Ақтөбе мемлекеттік университетін «Автомобильдер және автомобиль шаруашылығы», Қазақ гуманитарлық заң университетін «Құқықтану бакалавры» мамандықтары бойынша тәмамдаған.
Еңбек жолын 2005 жылы Қобда аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінде бастаған. Қобда ауданы әкімі аппаратында жұмыс істеген.
Әр жылдары Қобда аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы, Қарғалы ауданы әкімінің орынбасары, Ақтөбе қалалық құрылыс бөлімі басшысының орынбасары, облыстық энергетика және тұрғын үй-коммуналдық шаруашылығы, облыстық жолаушылар көлігі және автомобиль жолдары басқармасы басшысының орынбасары қызметтерін атқарды.
Осы лауазымға тағайындалғанға дейін облыстық энергетика және тұрғын үй-коммуналдық шаруашылығы басқармасының басшысы болды.