Орталықтар алдын ала брондау бойынша қызмет көрсетеді
Өңірдегі эпидемиологиялық жағдайға байланысты 31 наурыздан бастап Ақтөбе қаласындағы халыққа қызмет көрсету орталықтары алдын ала брондау бойынша қызмет көрсетеді.
Тұрғындарға шұғыл қажеттілік болмаған жағдайда халыққа қызмет көрсету орталықтарына бармауға кеңес бере отырып, мемлекеттік қызметтердің 80%-дан астамын eGov.kz порталынан және eGov mobile мобильді қосымшасынан алуға болатынын еске саламыз.
Алдын ала брондау жасау өте оңай: egov.kz порталында, egov mobile қосымшасына, egovkzbot2.0 (@kenes1414bot) телеграм-боты арқылы, сондай-ақ 1414 байланыс орталығына қоңырау шалып, жеке деректерді, өңірді, халыққа қызмет көрсету орталықтарының бөлімін, баратын күні мен уақытын көрсету қажет.
Біз дүйсенбі-сенбі аралығында сағат 9.00-ден 18.00-ге дейін жұмыс істейміз.
Отбасыңызға және өз денсаулығыңызға сақ болыңыз!
«Азаматтарға арналған үкімет» мемлекеттік корпорациясы»
КЕ АҚ Ақтөбе облыстық филиалының баспасөз қызметі.