Денсаулық

237 науқастың еміне 26,6 миллион теңге бөлінген

18 қараша — Дүниежүзілік өкпе қабынуына қарсы күн.  Әлеуметтік медициналық сақтандыру қорының облыстық филиалы жыл басынан бері тыныс жолы ауруына шалдыққан 237 науқастың емделуіне 26,6 миллион теңге бөлген.

— Тыныс алу жолдарының созылмалы аурулары динамикалық бақылау тізіміне енген. Денсаулық сақтау министрлігінің №666 бұйрығына сәйкес тегін медициналық көмектің кепілдік берілген көлемі шеңберінде бірқатар дәрі-дәрмектер науқастарға тегін беріледі. Олардың қатарында индакатерол (ингаляцияға арналған ұнтақ), фенотерол гидробромиді + Ипратропия гидробромиді (ингаляцияға арналған ерітінді, ингаляцияға арналған аэрозоль), рофлумиласт таблеткалары және басқа да дәрілік препараттар бар, — дейді әлеуметтік медициналық сақтандыру қоры облыстық филиалының директоры Батырбек Нұрғалиев.

Өкпенің созылмалы обструктивті ауруы — қауіпті дерт, толық емделмейді. Бұл ауруға шалдыққан адам жиі жөтеледі, жөтелгенде қақырық түседі. Ауруға темекі шегетін адамдар жиі шалдығады. Сақтану үшін салауатты өмір салтын ұстану керек.

Кәмшат ҚОПАЕВА.

Басқа жаңалықтар

Back to top button