Облыс әкімі тұрғындарды қабылдады

Сейсенбі күні облыс әкімі Оңдасын Оразалин тұрғындарды кезекті рет қабылдап, мәселелерін тыңдады, — деп хабарлайды облыс әкімінің баспасөз қызметі.

Аймақ басшысы  ақтөбеліктердің  тұрғын үй, денсаулық, білім,  мәдениет және қала көшелерін  абаттандыру, жарықтандыруға қатысты қойылған бірқатар сауалдарына жауап берді. Тұрғындардың өтініштеріне қатысты басқарма басшыларына әрбір көтерілген мәселенің заң шеңберінде шешілуін тапсырды. Кездесуде көтерілген жаңа бастамаларға қатысты ұсыныстардың жауапты мамандармен бірлесе отырып, жан-жақты зерделенетіндігін жеткізді.