Басты бет » Басты жаңалықтар » Президент қазақстандықтарды карантин шараларын  сақтауға шақырды

Президент қазақстандықтарды карантин шараларын  сақтауға шақырды

Мемлекет басшысы Қасым-Жомарт Тоқаев қазақстандықтарды Денсаулық сақтау министрлігінің ұсынымдарын ұстанып, карантин шараларын сақтауға шақырды. Бұл туралы ол Twitter парақшасында жазды.

«Көптеген шет елдердегі коронавирус індетінің таралу жағдайы алаңдатарлық. Барлық жерде қатаң шаралар, оның ішінде, локдаун тәртібі қайта қабылданып жатыр. Қазақстандықтарды Денсаулық сақтау министрлігінің ұсынымдарын ұстанып, карантин шараларын сақтауға шақырамын. Үкімет бизнес пен экономиканың мүдделерін негізге ала отырып жұмыс істейді. Пандемияның бірінші толқынымен күрес тәжірибесі ескерілді. Әкімдерге эпидемиологиялық жағдайға орай шешім қабылдауды тапсырамын. Бірақ бар мәселе азаматтардың өзіне тікелей байланысты», — деп жазды Президент.

 «Ақтөбе-ақпарат».