Ақтөбе облысы бойынша COVID-19 инфекциясының эпидемиологиялық жағдайы туралы
2020 жылдың 11-қазанында облыс бойынша COVID-19 инфекциясымен ауырған науқас жоқ.
10.10.2020 жылы бір тәулікте КВИ-мен ауырған 3 жағдай тіркелді. Оның 1-уінің клиникалық симптомдары бар әйел адам, ол – Мәртөк ауданынан, ал 2-і – симптомсыз ауру, ер адамдар – біреуі Түркістан облысының азаматы, біреуі – Ақтөбе қаласының тұрғыны.
2 пациентке COVID-19-ға профилактикалық мақсатта тексерілу барысында Мәртөк ауданының «Жайсаң» мемлекеттік шекарасында ПТР зерттеулері қорытындысымен COVID-19 диагнозы қойылған, 1 пациентте ЖРВИ симптомдарының пайда болуына байланысты медициналық көмекке жүгіну кезінде COVID-19-ға тексерілген кезінде қауіпті індет анықталған.
Жалпы, облыста КВИ-мен ауырған 3257 жағдай тіркелді, оның ішінде 49%-ы ауру белгілерімен (1595) және 51%-ы симптомсыз (1662) жағдай. 3204 (98,4%) науқас жазылып шықты.
Ақтөбе қаласында – 2346 жағдай, оның ішінде (1049 симптомсыз), Әйтеке би – 20 (8), Алға – 93 (75), Байғанин – 58 (37), Ырғыз – 54 (38), Қобда 14 (13), Қарғалы – 26 (16), Мәртөк – 54 (25), Мұғалжар – 173 (125), Темір – 191 (158), Ойыл – 21 (10), Хромтау – 102(50), Шалқар ауданы – 105 (59).
Жалпы тіркелген 3257 науқастың 2,4% (81) сырттан әкелінген, 13,6% (442) ауру адаммен қарым-қатынаста болғандар, 83,9% (2734) жергілікті жағдайлар, оның ішінде 28,3% (922) профилактикалық мақсатта тексерілгендер.
Қазіргі таңда үй карантиніне 32 адам алынып, оларға медициналық бақылау жүргізілуде.
Ақтөбе облысы Тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.