ҚР Конституциясы күні ұлықталды
30 тамыз — ҚР Конституциясы күні. Осы ұлық мерекеге орай Ақтөбе облысының әкімі Оңдасын Оразалин өңірдегі бірқатар қоғамдық бірлестік төрағаларына, қайырымдылық қорлар басшыларына, еңбек ардагерлеріне «Қазақстан Конституциясына 25 жыл» мерекелік медалін табыстады.
— Әр азаматтың ерік-жігері мен таңдауы заң аясында еркін жүзеге асып, арман-қалауы ардақталған елде ғана саяси тұрақтылық пен бейбіт ахуал орнамақ. Барлық ұлттық құндылықтар мен азаматтық қадір-қасиеттің арқауы, мемлекеттіліктің бастауы мен біртұтастығының қайнары — Қазақстан Республикасының Конституциясы, — деді облыс әкімі.
ҚР Конституциясының орындалуына, азаматтардың конституциялық құқықтарының қорғалуына, Қазақстан қоғамындағы келісім мен тұрақтылықты нығайтуға қосқан зор үлесі үшін «Қос шынар» Әлия-Мәншүк қайырымдылық қоғамдық бірлестігінің төрағасы Ғалымжан Байдербес, Нағашыбай Шәйкенов атындағы қайырымдылық қорының төрағасы Серожатдин Барышев, облыстық мәслихат хатшысы Сәния Қалдығұлова , «Ер Бақыт» спорттық- патриоттық клубы қоғамдық бірлестігінің төрағасы Марат Қойлыбаев, «Жергілікті соғыс ардагерлерінің бауырластығы» қоғамдық қорының құрылтайшысы Гумер Галеев, еңбек ардагері Ғалым Дәулеталин , облыстық «Атамекен ҰКП» директоры Анар Даржанова сынды жалпы 28 азамат марапатталды.
Облыс әкімінің баспасөз қызметі.