Басты бет » Жаңалықтар » Байғанин ауданында дәрі арзан

Байғанин ауданында дәрі арзан

Байғанин ауданында дәрі-дәрмектердің бағасы республикалық деңгейде белгіленген межеден арзан.

Аудан әкімі Қ.Отаров аудандағы дәріханаларды аралап, баға тұрақтылығын тексерді. Дәрі-дәрмек жетіспеушілігінің алдын алу мақсатында дәріхана басшылығымен келіссөз жүргізіп, дәрілердің қорын бақылады.

Шара барысында аудан басшысы дәрілер жетіспейтін болса, сондай-ақ дәрі-дәрмектерді ауданға жеткізу мәселелері туындап жатса, әкімдік тарапынан қолдау болатынын баса айтты.

Тексеру қорытындысында, аудан дәріханаларындағы дәрілердің бағасы республикалық деңгейде белгіленген шектік бағадантөмендігі анықталды. Атап айтқанда,мукалтин дәрісінің шектеулі бағасы — 315 теңге, ал Байғанин ауданында оның құны — 220 теңге. цитрамон п дәрісінің  шектік бағасы— 137 теңге болса, аталған ауданда 90 теңгеден сатылып жатыр. Шектік бағасы 128 теңгеге бағаланған парацетамол дәрісі мұнда 120 теңге тұрады.

 

Гүлжан БАЗЫЛҚЫЗЫ.