Басты бет » Басты жаңалықтар » Ақтөбеге Ресейден 52 мың қорапшаға жуық медициналық препарат әкелінді

Ақтөбеге Ресейден 52 мың қорапшаға жуық медициналық препарат әкелінді

Препараттар Ақтөбе облысы әкімдігі мен Орынбор қаласындағы облыстық дәріхана қоймасы арасындағы келісімшарт аясында демеушілердің көмегімен сатып алынған. Келісімшартқа сәйкес, өңірдегі провизорлық және күндізгі стационарларға неғұрлым сұранысқа ие он дәрілік препарат жеткізілетін болады.

Бүгін Ақтөбеге «Азитромицин», «Бромгексин», «Ванкомицин», «Дексаметазон», «Ксарелто», «Фраксипарин», «Цефотаксим», «Цефтриаксон» дәрілері әкелінді.

Сонымен қатар дәрІ-дәрмек қоры СК «Фармация» арқылы орталықтандырылған негізде толықтырылып отыратын болады. Бұл тұрғындардың қызу түсіретін, қабынуға қарсы, қақырық түсіретін дәрі-дәрмектерге деген сұранысын қанағаттандырмақ.
Бұдан өзге 10 шілде күні Қытайдан, Катардан дәрігерлердің жеке қорғанысы үшін қажет заттар бар жүк келді.

Облыс әкімінің баспасөз қызметі