Қала көшелерінде дезинфекциялық жұмыстар жүргізіліп жатыр (Видео)

Ақтөбе қаласындағы әскери бөлім жауынгерлері қала көшелеріне дезинфекциялық жұмыстар жүргізуде, — деп хабарлайды Ақтөбе қаласы әкімдігінің баспасөз қызметі.
Коронавирустың таралуына жол бермеу мақсатында ұйымдастырылған дезинфекциялық жұмыстар Әбілқайыр даңғылы (Абай көшесінен Ә.Молдағұлова даңғылына дейін), Ә.Молдағұлова даңғылынан ағайынды Жұбановтар көшесіне дейін, сондай-ақ қаладағы Әлия, Алтай, Тұрғынқалашық базарлары мен Ш.Уәлиханов көшесі (Орталық базардан Теміржол вокзалына дейін) аумағын қамтиды.