Басты бет » Экономика » Оңдасын ОРАЗАЛИН: кәсіпкерлікті қолдау, тұрғындарды жұмыспен қамту мәселелеріне басымдық берілуі тиіс

Оңдасын ОРАЗАЛИН: кәсіпкерлікті қолдау, тұрғындарды жұмыспен қамту мәселелеріне басымдық берілуі тиіс

Облыс әкімдігінде селекторлық жиын өтті. Облыс әкімдігі аппаратының басшысы  Нұржауған Қалауов  осы жылдың 9 айындағы атқарушылық тәртіптің жай-күйін  баяндады.

Талдау қорытындысы бойынша Елбасы, ҚР Президенті мен Премьер-Министр жүктеген тапсырмалар орындалып, мерзімдері бұзылмағандығы атап айтылды.

Аппарат басшысының айтуынша, кейбір өтініштер облыс әкімі аппаратының бірнеше рет ескертулерінен кейін жабылады немесе жауапты қайтаруға асығыстық танытпайды.

Облыс әкімінің 9 ай ішінде берген 183 жеке тапсырмасы, БАҚ және әлеуметтік желілерді  шолу барысында берген 1393 тапсырмалары түгел орындалған.

Облыс әкімі Оңдасын Оразалин әкімдік отырыстар мен жұмыс сапарлары бойынша 1158 тапсырма берген. Оның 677-сі орындалып, 39-ы мерзімінен кешіккен. Ақтөбе қаласы әкімдігі өзен арналарын тазарту жөніндегі жұмыс жобаларына өзгерістер енгізу және оларға мемлекеттік сараптама жүргізу тапсырмасы, ішкі саясат басқармасына, білім басқармасы, полиция департаменті, Ақтөбе қаласы және аудан әкімдерімен бірігіп, ағымдағы жылдың 2 қыркүйегіне дейінгі мерзімде жасөспірімдер қылмысының алдын алу мақсатында, отбасы-тұрмыстық қатынастар және т.б. саласында ақсақалдар кеңесін құру жұмысының халықаралық тәжірибесін зерделеу тапсырмасы, еңбек инспекциясына бірқатар жекеменшік мекемелерден  жалақы берешегін өтеу, Мұғалжар ауданының әкімдігіне Жағабұлақ ауылына кіреберісінде жатқан қоқыстарды тазарту бойынша, ақпараттандыру және сыртқы байланыстар басқармасына цифрландыру мәселесі сынды 11 тапсырма орындалмаған.

Аппарат басшысы әлеуметтік желілерде аудан әкімдіктерінің  белсенділігі артқанын айтады. Мәселен, «Әлеуметтік желілердегі ТОП-20 аудандардың» республикалық рейтингінде Хромтау, Темір, Мәртөк, Ойыл және Қарғалы аудандары көш бастады.

Облыс әкімі  тапсырмалардың дер кезінде  орындалуына қатысты орынбасарлары мен басқарма басшыларына қатаң  ескертулер жасады.

Сондай-ақ жиында кәсіпкерлік басқармасының басшысы Ерлан Назаров  облыста  «Бизнестің жол картасы-2020» бағдарламасының 9 айда орындалу барысын баяндады. Аталған бағдарламаның іске асуына жалпы сипаттағы трансферттер есебінен 1,5 млрд теңге бөлінген. ҚР Ұлттық Экономика министрлігімен бірлесе отырып, бағдарламаның жалпы портфелі 2,4 млрд теңгені құраған. Өңірлер арасындағы рейтингте кепілдік беру құралын іске асыру бойынша  Ақтөбе облысы 2-орында, субсидиялау бойынша 3-орыннан көрінді. Жыл басынан бері өңірде  309 жоба мақұлданған. 2020 жылы  Ақтөбе қаласында құны 97,9 млн теңге болатын отбасылық демалуға арналған саябаққа инфрақұрылым жүргізу және құны 1,8 млрд теңге болатын «АлтынЭкс Тау» кен комбинатына сыртқы сумен жабдықтау жобаларын іске асыру жоспарланып отыр.

Ал Еңбек бағдарламасы бойынша Ақтөбе және Хромтау қалаларына 2019 жылы 1,2 млрд теңге бөлінген.

Ауыл шаруашылығы басқармасы да «Еңбек» және «Бизнестің жол картасы-2020» бағдарламаларының іске асуы бойынша 9 айда атқарылған жұмыстарға есеп берді. «Еңбек», «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы» бойынша республикалық бюджеттен қала және ауылдық елді мекендерде 976 жоба енгізуге және несиелендіруге 3 850,2 млн теңге бөлінген. Қазіргі таңда қаржы институттарымен барлығы 740 жобаға 3 455,8 млн теңге беріліп, 526,5 млн теңгенің 60 жобасы мақұлданған.

«Президентіміз Қасым-Жомарт Тоқаев Жолдауда  жаппай кәсіпкерлікті дамыту санаға сіңген патерналистік пиғыл мен масылдықтан арылуға мүмкіндік беретіндігін айтты. Сондықтан мемлекет алдағы уақытта да бизнеске қолдау көрсете береді. Бұл мақсатқа Ұлттық қордан 100 миллиард теңгеге жуық қаржы бөлінгендігін жеткізген болатын. Кәсіпкерлікті қолдау, тұрғындарды жұмыспен қамту мәселесі Ақтөбе өңірінде үздіксіз жүзеге асырылсын, Президент тапсырмасын орындауға жаппай жұмыс жасауымыз қажет», — деп атап өтті Оңдасын Оразалин.

 Облыс әкімінің баспасөз қызметі.