Басты бет » Мәдениет » «Bi-art — Aqtóbe» 23 би ұжымының басын қосты

«Bi-art — Aqtóbe» 23 би ұжымының басын қосты

Ақтөбе қаласының 150 жылдығына орай облыстық «Bi-Art – Aqtóbe» би байқауы өткізілді.

Мұндағы мақсат ؅— «Рухани жаңғыру» бағдарламасын жүзеге асыру, соның ішінде ұлттық бірегейлікті сақтай отырып, жастар арасында бәсекелестік қабілетті дамыту. Сондай-ақ, ұйымдастырушылар сол арқылы би өнерін насихаттап, тәжірибе алмасуды көздепті.

Байқауға Ақтөбе қаласы мен Әйтеке би, Байғанин, Ойыл, Алға, Мұғалжар, Темір, Қарғалы аудандарынан ұзын саны 23 би ұжымы қатысты. Барлығы — 370 биші.  Қатысушы би топтары жас ерекшеліктеріне қарай өзара 4 топқа бөлінді. Олар

классикалық, халықтық, эстрадалық және заманауи бағыттағы бойынша биін ұсынды.

Облыстық мәдениет, архивтер және құжаттама басқармасының қолдауымен ұйымдастырылған байқауда бірінен-бірі қалыспайтын таңдаулы өнер ұжымдарын бағалау оңай болмады. Қазылар алқасы би ұжымдарының орындаушылық шеберліктеріне, композициялық құрылымы мен киім үлгісіне көңіл бөлді. Ұзақ талқылаудан кейін топ жарғандар белгілі болды, — дейді облыстық халық шығармашылығы орталығының қызметкері Гүлнар Сейталина.

Байқаудың қорытындысы бойынша 7 би ұжымы бас жүлдеге лайық деп танылды. Жүлделі I, II, III орындарды да бірнеше би топтары өзара бөлісті, ешқайсысы атаусыз қалмады. Жеңімпаздарға дипломдар мен кубоктар табыс етілді.

Айбек СЕРІКҰЛЫ.