Басты бет » Жаңалықтар » Қазақтың күйлері күмбірледі

Қазақтың күйлері күмбірледі

Атаулы күн

Ақтөбе қаласындағы Орталық саябақта Ұлттық Домбыра күніне арналған «Маржан саздың маржаны — домбырамсың» атты мерекелік шара өтті.

Ақтөбе қаласы әкімдігінің ұйымдастыруымен өткен шараның басты мақсаты —ұлттық құндылығымыз, киелі аспабымыз — домбыраны насихаттау.

Мереке күні көпшілік назарына мерекелік сазды бағдарлама ұсынылып, бір мезетте 50 домбырашы Құрманғазы мен Дәулеткерейдің, Қазанғаптың күйлерін күмбірлете төкті. Сондай-ақ, Ғ.Жұбанова атындағы облыстық филармония әншілері мен қалалық мәдениет үйінің өнерпаздары ұсынған сазды бағдарлама барысында халық әндері шырқалса, «Әлия гүлі» бишілер ансамблі биден шашу шашты.

                                                                       А.БОЛАТБЕК.

Пікір жазу

Your email address will not be published. Толтырылуы міндетті жерлер белгіленген *

*