Өрт қауіпсіздігін бақылау күшейтілді

Елбасы тапсырмасына сәйкес облыста өрт қауіпсіздігін бақылау күшейтілді. Тексеру және халыққа түсіндіру жұмыстарын жүргізу басталды.

«Арнайы комиссия бәрін мұқият тексеру қажет. Теледидар, газет және басқа да бұқаралық ақпарат құралдары арқылы кең ауқымды түсіндіру жұмыстары жүргізілуі керек. Астанада орын алған қайғылы оқиға енді қайталанбауы тиіс», — деді облыс әкімі Бердібек Сапарбаев бейінді қызмет өкілдерімен өткен жиында.

Облыс әкімінің тапсырмасына сәйкес, пеш жағатын және апатты жағдайдағы үйлерге ерекше назар аударылатын болады.

Облыс әкімінің баспасөз қызметі.