Ақтөбелік боксшы қыз — чемпион
Турнир
Жерлесіміз Ксения Древал Сербия елінде өткен халықаралық турнирде алтын медальға ие болды.
19 қаңтар күні Сербия мемлекетінде бокстан жасөспірім қыздар арасында «Ұлттар Кубогы» халықаралық турнирінің финалдық кезеңдері өткен-ді. Онда
ақтөбелік спортшы Ксения Древал +80 келі салмақ дәрежесінде «халықаралық чемпион» атағын жеңіп алды.
15 жастағы Ксения ақтық кезеңде Словения елінің қызымен кездесіп, қарсыласын аса басымдылықпен тізе бүктірді.
Оның жаттықтырушысы — Әлімбек Балмағамбетов.
Айта кетейік, бокстан «Ұлттар Кубогы» халықаралық турнирі Сербияның Сомбор қаласында 14-21 қаңтар аралығында өтті. Дода қорытындысы бойынша Қазақстанның жасөспірім қыздар құрамасы жалпыкомандалық есепте бірінші орынды иеленді.
Жеңіс құтты болсын, Ксения!
Айбек СЕРІКҰЛЫ.