Жол қозғалысы өзгерді
Жүргізушілер назарына!
Облыстық полиция департаменті Әкімшілік полиция басқармасы қалалық жолаушылар көлігі және автомобиль жолдары басқармасымен және тұрақты өндіріс және тұтыну орталығы серіктестігімен бірлесіп, қаладағы автокөлік жолдарында жол қозғалысы қауіпсіздігін қамтамасыз ету және көлік қозғалысын реттеу мақсатында К.Нокин даңғылы мен Әкімжанов көшесінің қиылысында тексеріс жұмыстарын жүргізді. Нәтижесінде автокөлік жүргізушілеріне К.Нокин даңғылынан ( «Анвар» гипермаркеті бағытынан) солға қарай бұруға тыйым салынды, яғни сол жақтағы жолақпенен тіке бағытта ғана қозғалу туралы шешімі қабылданды.
Бұл көлік қозғалысы өзгерісі К.Нокин даңғылының өткізу қарқындылығын арттыруға, сондай ақ, жол-көлік апаттарының алдын алуға ықпал етеді.
Бұл жол қозғалыс өзгерісі 28 қаңтардан бастап күшіне енді.
М.РАХАТҚЫЗЫ.
