Ардагер журналист — облыстың құрметті азаматы

Қазақстан Журналистер одағының мүшесі, «Ардагерлер ұйымы» қоғамдық бірлестігі облыстық филиалының мүшесі Нұхы Қартбайұлына қоғамдық өмірге белсене қатысқаны үшін «Ақтөбе облысының құрметті азаматы» атағы берілді.

Ұзақ жылдар бойы бұқаралық ақпарат саласында жемісті қызмет атқарған, бүгінде облыс журналистикасының абызына айналған қадірменді әріптес ағаны жақсы атағымен шын жүректен құттықтап, деніне саулық, жан-жағына жақсылық, қажымас қайрат-жігер тілейміз!

«Ақтөбе Медиа» ЖШС ұжымы.