Бейнекамера бақылайды
Ақтөбелік тәртіп сақшылары бейнекамералардың көмегімен жыл басынан бері 1400-ден астам жол-көлік ережесі бұзылғанын анықтады.
Осы жылдың алты айында автоматты түрде жұмыс жасайтын фото және бейне фиксациясы бар арнайы құралғылардың көмегімен ҚР жол көлік ережелерін бұзудың 1465 фактісі тіркелген. Тәртіп бұзғандарға 7 миллион теңгеге жуық айыппұл салынған. Оның 4,5 миллион теңгеден астамы, яғни 66,8%-ы мемлекет есебіне қайтарылған.
Облыстық ішкі істер департаменті баспасөз қызметінің мәліметінше, қазіргі таңда облыс бойынша 13 аралас құрылымды және «Мираж»-7 автоматты интеллектуалдық жүйесі жұмыс жасайды. Олардан түскен ақпарат іріктеліп, жол-көлік ережелерін бұзғандар нақты тіркеліп отырады. Сондықтан көлік жүргізушілері мен жаяу жүргіншілер тәртіп сақтағаны жөн.
К.ҚОПАЕВА.