Білім
5 оқушы — «алтын белгі» иегері
Түлектер
Ақтөбе қаласындағы физика-математика бағытындағы Назарбаев зияткерлік мектебінде түлектерге аттестат тапсырылды. Түлектердің мектеп бітіру салтанатына облыс әкімінің орынбасары Ербол Нұрғалиев, сондай-ақ ұстаздар мен ата-аналар қатысты.
2017-2018 оқу жылында білім ордасын тәмамдаған түлектер саны — 175. Олардың ішінде 5 оқушы «Алтын белгі» иегері атанып, 7 оқушы ерекше аттестатпен марапатталды. Қазіргі таңда 39 оқушы Назарбаев Университетіне жолдама алып, 18 түлек алыс-жақын шетелдік университеттердің грантын иеленіп отыр.
Салтанатты шарада Ербол Нұрғалиев, мектеп директоры Сабыржан Сәдуақасовтар құттықтау сөз сөйлеп, түлектерге сәт сапар тіледі.
Арайлым НҰРБАЕВА.