Жеңіс мейрамына байланысты жол қозғалысын шектеу туралы

Ұлы Жеңістің 73 жылдық мерекесіне орай 4,5,6 мамыр күндері қалада дайындық шаралары басталады. Осыған байланысты мынадай уақыттарда көліктің барлық түрлеріне қозғалыс шектеледі:

• 4-5 мамыр күндері 19.00-22.00 сағат аралығында Әбілқайыр хан даңғылы бойынша Пацаев көшесінен «Айна» сауда үйіне дейін;
• 6 мамыр күні 11.00-14.00 сағат аралығында Әбілқайыр хан даңғылы бойынша Пацаев көшесінен «Айна» сауда үйіне дейін.
• 9 мамырда сағат 8.00-ден 12.00-ге дейін Әбілқайыр хан даңғылы бойынша Пацаев көшесінен Ә.Молдағұлова даңғылына дейін, Ә.Молдағұлова даңғылынан 101-атқыштар дивизиясы көшесіне дейінгі, 101-атқыштар бригадасы көшесінен М.Оспанов көшесіне дейінгі, М.Оспанов көшесінен Ғ.Жұбанова көшесіне дейінгі, Ғ.Жұбанова көшесінен М.Мәметова көшесіне дейінгі аралықта және Сазды өзені арқылы өтетін көпір өткелінде барлық көлік түрінің қозғалысы жабылады.